حلم عندي ... لون موتي ... تخليني .. ويه مذبوحي سوه
على الضامي ... فياي اوگف ... واصيرله .. بصحاري الطف هوه
حبل السبي وحرگ العبي ادري .... لام الخدر ضل منكسر ظهري
اويه مذبوحي سوه
______________________________
روحي تتمنه .. حسين احضرنه
كلهن احضرهن واعاين .. يا اشدهن نايباته ..
ارد اشوفنه .. حيل اشمنه
من تجي ابنيته العليلة .. ابچفهه سجادة صلاته
رايح ابنيه .. وعايف ابنية
وبكسر ضلعي تحلفه .. وتلزم بطارف عباته
اتحبه واتشمه .. تبچي وتألمه
اه يچلمات العليلة .. امدللة غالي بناته
خذو سلوة قلب منهه .. رحل ظعن الاهل عنهه حده
بده المغرب يماسيهه .. يعبدالله بواچيهه اشده
مو فرگتك مااحتمل تدري .. لام الخدر ضل منكسر ظهري ..
اويه مذبوحي سوه
______________________________
رايد احضرهه .. دمعتي انثرهه
الزفة القاسم اصيرن .. شمعة يحرگني ضواها
من يحزمونه .. من يزفونه
الجاسم تهوس عمامه .. وفوقه يتمايل لواهه
انتظر رمله .. بالله شتقله
من تشوفه بثوبه الابيض .. مبتسم درة رباهه
فقده يظهدها.. ارد اساعدهه
مو سهل شوفه ظناها .. رقبته امخضب دماهه
اشم عطر الحسن منه .. اريد اچفوفي تتحنه بدمه
اذا شايف ملاك اجمل .. على اعيونه الورد يذبل ضمه
نجل الحسن ياشوغته ابصدري ..
لام الخدر ضل منكسر ظهري ...
اويه مذبوحي سوه
______________________________
تكسر ابقلبه .. نبلة الرقبة
ويلي من تذبح رضيعه .. حتى مايگدر يشمه
يمة احضريني .. من يناديني
شوفي عبدالله تعالي .. ابلهفة حيل القلبي اضمه
وينكسر قلبي .. واشتكي لربي
ابطيف محسن چن يجيني .. من بچه وناداني يمه !
بس اشم نحره .. ريحته وعطره
يمه اخذ روحي يموتي .. فوق اديه اخضاب دمه
بوجه محسن يذكرني .. يناغيلي ويباسمني الحلم ..
يبس دمه اعله وجناته ..
ذبح بيدي ابتساماته الهضم ..
من يشتكي اشذنبي انقطع نحري ؟
لأم الخدر ضل منكسر ظهري ..
اويه مذبوحي سوه
______________________________
امناطره اسنيني .. راسمه ابعيني
يم خيام الهاشمية .. اجمل موادع نطرته
اموادع الفرگه .. والنفس شهگة
بين الحسين وعضيده .. ابدمعة اعيوني رسمته
احجي برسومه..وعيني ملچومة
وتنلچم لو وصفتهة .. عين الااتكفلهه اخته
يااجل روحي .. الخاطر اجروحي
رايد احضنهم بديه .. وانته عمري الليلة اخذته
يموت ارسم عتب خوه .. كفيل اخته العتب يسوه الگمر !
ابدمع چلمة تفارگني .. اختب تعتب واخو محني الظهر
زينب أنا يالي اكفلت خدري ..
لأم الخدر ضل منكسر ظهري ..
اويه مذبوحي سوه
______________________________
بالدمع لو صب .. تنرسم زينب
نار ودموع وسبايه .. حرمة ابعازة حمية
يمة تندبني .. وابظهر محني
ياجرح تاخذني يمه .. من جروح الغاضرية
نحر واليهه .. عين حاميهه
طبرة الاكبر اشوفن .. لو حرگ شيلة رقية
يااجل كلفة .. وي زلم صلفة
هيه زينب عفة الله .. تمشي وياهم سبيه !
خدر حيدر بلا اخوتها .. الرمح يوقف اذا عتهه النذل ....
لأن راسه التكفلهه .. يصب غيرة ويقللها النفل
يابت علي من دمعتج عذري ..
لأم الخدر ضل منكسر ظهري ..
اويه مذبوحي سوه
______________________________
\ للبرعم الحسيني : - مسلم الكعبي ❤
\ للشاعر :- عبد الخالق الحريشاوي ❤
*************************
~الكاتب~
-باقر الربيعي-
رد مع اقتباس
