قصيدة الحسين ثورة مكتوبة - حسين فيصل
الحسين ثورة خالدة وزينب الإعلام
والي يعادي حسين يعني ايعادي الإسلام
عملاق والعملاق ابد متهزه الاقزام
والي تحداه ابحقد اتدوسه الاقدام
الحسين خالد .. اوگبره شاهد
عرش الذي عاداه .. لا والله مادام
والضرب ..
الگبه متحدي الحُسين اشصارت اخباره
انگلب ..
حاله لمذول وعرف هالدنيه دواره
يــآحسين ..
بحر إباء وثوره والله لهل وگت ماجف
يــآحسين ..
صرخة إلهية العدو ابنبرتها يتراجف
الحسين قائد بإتباعه يرفع الراس
والله اعلمود اعيونه ربنه خالق الناس
الحسين من يمشي ابد ماعنده حراس
ياهو كفو ايجيسه ويمه ايكون عباس
منهو يقهره .. وعباس ظهره
هذا تحت امره وبإذنه تجري الانفاس
بوالفضل ..
حامي لاخوه حسين هوه وناصر الدينه
مايمل ..
من حبه للغالي ولجله عاف زندينه
يــآحسين ..
بحر إباء وثوره والله لهل وگت ماجف
يــآحسين ..
صرخة إلهية العدو ابنبرتها يتراجف
الحسين خطة حرب بس موعسكريه
هوه حرب ضد الجهل والطائفيه
الحسين صرخة لاه ضد جور الدعيه
و لولا دماء حسين ماعدنه هويه
الحسين للكل .. للعدو والخل
ابكل ديانه حسين ضل فكره وقضيه
النجاة ..
مثل سفينة نوح ناجي الي صعد بيها
والحياة ..
هوه وإذا ينعاف صعبة الدنيه نگضيها
يــآحسين ..
بحر إباء وثوره والله لهل وگت ماجف
يــآحسين ..
صرخة إلهية العدو ابنبرتها يتراجف
الحسين جرح ابدمه بس بـ نزفه راقي
التربة عطشانه واجاها ابدمه ساقي
گبره جذب حتى العدو لليوم باقي
ولهذا يفخر ابوجوده كل عراقي
من حگه يفخر .. الله اكبر
گبره جذب الدموع من وسط المآقي
وكُل سنه ..
من گبره مقهور العدو ابزحمة ملايينه
والمُنه ..
نوصل في هاي العام ونقهر مُعادينه
_____
كلمات الشاعر خليل آل اسماعيل
________
تدوين زهراء العبيدي
١٤٤٠
لتحميل القصيدة mp3 صوتي "اضغط هنا"
فيديو
رد مع اقتباس
المشاركة الأصلية كتبت بواسطة فبرونيا
