درر العراق

A.O.K · 24/September/2018

قصيدة حسينية لطمية للشاعر المرحوم
الملا عطية الجمري رحمه الله

طوّح الحادي والظّعن هاج بحنينه...و زينب تنادي سفرة القشره علينه
صاحت بكافلها شديد العَزِم والباس...شمّر اردانك وانشر البيرق يعبّاس
جنّي أعاينها مصيبه تشيّب الرّاس...ما ظنّتي نرجع بدولتنا المدينه
قلها يَزينب هاج عزمي لا تنخّين...مادام انا موجود يختي ما تذلّين
لو تنقلب شاماتهم ويّا العراقين...لطحن جماجمهم وانا حامي الظّعينه
لا تهيّجيني ولا يدشّ بقلبك الخوف...مَيْروعني طعن الرماح وضرب لسيوف
بس طلبي امن الله يسلّم لي هلجفوف...لحمل على العسكر واذكّرهم ببونه
قالت اعرفك بالحرب ياخوي وافي...وقطع الزّند هذا الذي منّه مخافي
اليوم بمعزّه و بعدكم مَدْري شَوَافي...ياهو اليردّ الخيل لو هجمت علينا
هلّت دموع العين من حادي الظّعن صاح...عبّاس قايدها و حاديها الطّرمّاح
ابهالحال و هْيَ تصيح عزّي ياخلق راح...وحسين جدّام الظّعن يمشي بسكينه
ومن كربلا ساقوا الظّعن كلهم اعادي...شمر الخنا قايد و زجر الرِّجس حادي
ومَرَّت وهي تستر وجههَّا بالأيادي...و صاحت يقايد ناقتي عنّك مشينا
نادت وهي فوق المطيّه واومت عليه...هذا الظّغن لرض المدينه من يودّيه
واللي خِفِت منّه يبو الشّيمه وقَعِت بيه...قطع الفيافي اعلى الهِزِل ويني و وينه