هــويت ومــــاعرفت اعليّه شيصـــير
ولا فد يوم أشوفن حالي وأَصْحَى
چـــبـت بــيدي الأصيــلة للنــــواعير
وأنا من ايدي الظلام الضاع صبحه
وعگب عش الحمامة والعصافير
لفاني غراب لف جنحي اعله جنحه
أنا البضلوعي دگيت البسامير
لخنچر ماحسبت حساب ذبحه
يهلبت أنتبه وآخذ تدابير
بعد يمتة أنتبه وآخذ تدابير
وأسولف عالشداد اليدي جرحه
انا ايلوموني اليدرون بالصار
وانا فوگ الملامة عاشرت مرّ
اتاعي بوصله حمرة لطير مطيار
گلت بالچن يحط واعليه يكسر
الطير المايصيد الصيده مو عار
لچن العار من تفلت من الحر
چثير من العشگ چريته مچرار
لگاح بنخلة ميته شلون يثمر
ونزلت الحس دلو وبصرّة البير
العشگ يطرحني نوبة ونوبة اطرحه
نزلت الحس دلو وبصرّة البير
العطش يطرحني نوبة ونوبة اطرحه
أنا البضلوعي دگيت البسامير
لخنچر ماحسبت حساب ذبحه
بعد يمته أنتبه وآخذ تدابير
وأسولف عالشداد اليدي جرحه
عشگت الموت سكتة ولا تنخيت
وعبنها الطيبة بيه إضواي يمتد
خشف ميتة امهاته بهـيمة ضليت
غلبني الغالبة والبيه يشتد
الوگت من شافي بعكازة رديت
بنه چالي اعله چالي وگالي أصعد
واجب ماخذت بس واجب انطيت
وانا ذنبي وفيت الراح والرد
والمعزب طردني من المسايير
حويت من الحصاد إتراب رَحَى
اجيت وطوگ تاليت العمر راح
وخلت بيه المحطة وفاتني الريل
وحسبته يگوم ذاك العاثر وطاح
گلت مركاض هذا وتعثر الخيل
أثاريني برمح من ايد رماح
أشوف الدنيا ظلمة وماگلت ليل
بعد حگه العليه توكح وصاح
مهو الچنگال چلب بالزناجيل
وصعب بس انا كسري اعله الچبابير
صدگ سواها وگتي بلايه ملحة
انا البضلوعي دگيت البسامير
لخنچر ماحسبت حساب ذبحه
بعد يمته انتبه واخذ تدابير
واسولف عالشداد اليدي جرحه
رد مع اقتباس
المشاركة الأصلية كتبت بواسطة اښڕاڕ اڵڪۅن
