كلمات قصيدة آنا ملكك مكتوبة / كتابة - محمد الحجيرات
آنا ما املك وجودي .. كل وجودي بين إديك
شلون ايصير وآنا ملكك .. أبخل ابدمي عليك !
من أطبــر راسي أصرخ
ريت مو راسي انطبر
ريت إيجوز اعلية شرعاً
وأطبر ابـعرگ النحر
لاچن الله ابـهل قرار
اعليه حـرم الإنتحار
و لولا تـحريمه شفـت
كل عاقل إبحزنه انتحر
وما يوفي حگ ضلع
واحد من حسـين انـكسر
يالذي تشكل علينه
راح أبين بالرواح
عدنه قانون ابفقهنه
كل فعل أصله مباح
إلا لو سبب ضرر
إهنا محل حچي ونظر
وآنا اسألك بالعقل
مو بـ التهجم والصياح
هم شفت مره مطبر
مات من نزف الجراح
لاتسل يا لائِماً عن شج رأس العاشقين
أصدرت فتواهُ زينب مُذ رأت رأس الحسين
من وحي المعصوم أنقل
مو أدلة واهية
وبدعاء الندبة اقرأ
والزيارة الناحية
شوف شـ أعني بهـالكلام
اتأمل ابـقول الإمام
هنا ندب هل قذيت
عيـن ويه عيني الباكية
مو دمع يبچي أمامك
بالدماء الجارية
لاتسل يا لائِماً عن شج رأس العاشقين
أصدرت فتواهُ زينب مُذ رأت رأس الحسين
من اشيل القامه بيدي
أرد اراوي الاجنبي
حسينـي مو عيسى إبن مريم
وهوَ يفهم مطلبي
أهوه بجروح المسيح
وآنا بجروح الذبيح
زينب ابهاذي بدت
وآنـا طريقي زينبـي
لاتسل يا لائِماً عن شج رأس العاشقين
أصدرت فتواهُ زينب مُذ رأت رأس الحسين
____________________________________
الكلمات من نظـم الشاعر # عـادل أشـنـكانـي
اداء الـرادود # محمـد الحجيـرات
____________________________________
لتـحميـل القصيـدة MP3 اضــغط هنــا
Zhraa alobaidi
رد مع اقتباس
المشاركة الأصلية كتبت بواسطة هيلــه
