هنا

[فقار الكرخي]

من لكيتك
لملمت شوگ الولايه الباتت بسد الرصاص
وهلهل الدخان بيه وداع ضحكه
ولشوارع. ذبلت گبال الحجول الماتسولف
وانه جنت احجي ويروحي
وانته منك ها لگيت
وليحبك
حاله اشوه من الهوه. المامستراح
انه ودنيه ورد شايل رماح
انه ونته نعيش بين المستحه والعيب سكته
من لگيتك
شفت يم عينك فرح مابيه حيل
وفوك خدك ورده مامرهه الخريف
وكلشي بيك ختلطن وصارن ولايه تايهين
مـن لگيتك
وضيعيت العرف. بهلي.
وتيهت روحي بخريطه بلايه دم
وسولفت بس راحتي المامرهه هم
وجانت حجايتنه مثل الثلج بيضه وتذوب
وجانت الضحكه شمس بخدود مطره
وجان غيض الناس ينزل. گطره. گطره
وانته جنك ماي رمان ورسمت ايامنه
وجانت الكحله تسولف عل سمر بيض السوالف
ياحبيبي
العيد منك جان خايف
خاف تطلع والهلال يغار منك
وانه بيه القحط مستوطن گبل لا شوف وجهك
ومن لگيتك
اسوالف الثكله عفته وهلهليت
وانه من گد الفرح يمك بجيت
ياحبيبي
انته كلش خوش لگوه
انته شذره بچف عروس زغيره حلوه
ومـن لگيتك
تيهت وجه العروس وفرهديتك








حسن كتاب

[المنسوجة من خيوط ضوء القمر]

الله

[سمراء من قوم عيسى]

الله عليك