هنا

[فقار الكرخي]

گلي شخبارك اعیوني

اشلون کیفك؟!

یا بعد أکبر حلم زغري
و یکل أحبابنه

حیل مشتاگه الروایح حنة ایدك هاي رزة بابنة

لیش هالغیبة الطویلة؟

شوف شلال العشگ لاوین ودانه وبعد ما یابنه

انته تدري ابفرگتك شیصیر بینه وشنغدي؟

اشینتابنه؟

ایصیر بعیون الورد کلشي رماد

ما یظل بستان ما یلبس سواد

وماتظل مریوحه ما تعلن حداد

و نحترگ مثل الشموع الگطرت اعمارها ابشباچ ظلمه

وترتجي من الصبح

یآخذ بدیهه

امعطبین ارحم یخل عطابنه

خضرة اعیونك الظلت دایره ابراسي بعدهي

مرنه خل الغیم شفته اتبوس چف مرزابنه

مرنه خل اتطش عصافیر المحبه الورد فوگ اعتابنه

مرنه خل تنکت بسمتك من علینه اترابنه

مرنه و انسف لك بلالي اهدابنه





منقول

[سمراء من قوم عيسى]

رووووعات
سلمت ذائقتك لانتقاء كل ماهو جميل

[Haidar Iraq]

رائع ..

[قـَســم ✞]

ححلو