درر العراق

✿ EshiQ ✿ · 23/October/2018

ابديها ابسلامي اعليك
بعد إذنك يمحبوبي
ما رايد ملابس سود
رايد من دمع ثوبي
أدبني اشحلاة ارباك
بيدك عدل أسلوبي
سويني بشر وياك
ايخلي ادروبك ادروبي

حسين ... آه آه آه

اخذ أعيوني للخيمات
بچيهن على اعيالك
چوتني شمس فرگاك
ذبني ابطارف اخيالك
يااخو التنضرب بالسوط
والكل عايش ابجالك
حسين ابداعة العباس
علم گلبي ينعالك

حسين ... آه آه آه

وسفة ابصدرك ايرفسون
وانته الصدرك امرايه
الله ايعابي شاطي الماي
عن چبدك يعز مايه
وداعة خنصرك يحسين
يابو جروح الهوايه
لو الطملك ابقامات
هم لـمصابك اشوايه

حسين ... آه آه آه

بس الصعده فوگ التل
تسوه الدنيه والبيها
لزينب لو بچينا اعيون
ما نوصل بواچيها
يا محنتها فوگ النوگ
وهيه امچتفه إيديها
عافت بـالگلب نيشان
ظل يبچي البواچيها

حسين ... آه آه آه

حيف امخدرة عباس
طلعت تبچي مسبيه
مشوها ابضلام الليل
حرثة المـاهي ممشيه
عرجة الناگه والونات
تسعر چنها جمريه
شيبها السبي والضيم
تمشي ابگـامه منحنيه

وداعي .. وداعي

ابحگ الخوه اطلبنك ..... وداعي

هجرك ماله كل لازم ..... وداعي

حملت اشلون عالناگه .... وداعي

أودعك وآنه مچتوفات إديه

__________________

كلمات الشاعر - عبدالجليل المالكي

__________________

كتابة Zahraa Al obaidi

{ { … MP3 … } }