ذموني البعض وانه حسافه انذم
حسافه انذم....
ذموني البعض وانه حسافه انذم
اجونی ابهیئت التفاح وانه ادم
ذگتهم بس عرفت انسانهم شیطان
شاخلهم مطر کل واحد الغیم
من گد ماترف بیه النبض ینشاف
انه الکتال ابوی ایفوت و اتبسم
الینظر علیه ایشوفني ابمگفای
مای ومن اطیحن بالصعب التم
اسمی من تنکته النورس ایطیر
بس وکت الکلافه و اکلف من السم
اذا اعاند هوی اگطع نفس ملگاه
چم مخنوگ بیه العاش من اشتم
چم واحد فحم ماشیته ابیاقوت
بس الصوچ منه وهو مایفهم
ذبونی وطحت شالاني حضن اچفوف
نعمه وقبلاني اوداعتک چم فم
بعض لبسو ورد عرفیتهم عاگول
تره الصیت الاجاهم کله من الشم
من انهض علم اکسر گفاها الریح
اکید الذمني بیه ایجوز مایعلم
صاحبت الطویله وماني صحبت ریح
گلوله الی انتچه اعلی الریح،یتندم
ماطیح دمعتي اگبال شامت لا
ماحصل ایوده الغیره بس اخدم
کلامی امعگل ابشارع لساني ایفوت
ذموني البعض چه هیبه و اتکلم
صارولی گفه وانه احسبت حیطان
لحم فاطس کلوني ابیوم طگني الهم
مگبره الهم صرت دفنو بیه اسرار
واناسري لگیت ابسوگ بایع کم
علیه جاعو تعصب ونشویت اخلاق
ونه ابثوب السلام استورحتهم دم
صرتلهم نبي بیهم فهاوت شور
بس تالیها النبي کل لحظه یتشتم
عمرهم خیط شمعه ویکضي هدوت لیل
وانا الماعده اخو لولیده صرت العم
اعرف الی غدرنی ابوجهی یضحک چان
ماکشیت خاطر گتله بس تسلم
انه الذموني اگلهم باچر ایندمون
دریت العنکبوت ابروحهم خیم
انه ساسي جبل والبس الخوه اعگال
ولاساسي رمل بالریح واتهدم
عدنان الکناني
رد مع اقتباس
