نگّط بكيفك..
يغيم..
الگاع گاعك !
#محمد_الجراح
نگّط بكيفك..
يغيم..
الگاع گاعك !
#محمد_الجراح
ما نكَطه منك نكَطت عالروح وتكَول ارتوه
والبردي المصنهب مثل حالي
احسده شلون شد حيله وكَوه
يمكن بعد بي روح مو كلش خوه
محسن الخياط
و بعدني أقره الرسايل من تِصَل مرتين
احبهم بـ الصور چي نبقى عين بـ عين
سألو ما درو مرتاح ؟؟ ما مرتاح ؟؟
هوَ بـ كل وكت رد الشلونك زين!
ما نختلف مثلك صفت..
الفركه..والملكة..سوه..
لاتمر منك حصلت ..
ولا حصلت منك نوه..
ذرعاني فاتحهن الك..
ثاريني داحضن هوه.
ودليك بوجعهن ترس حلگي الـ اخ
وگلك هاك اخذني تگلي ماسمعك
التعديل الأخير تم بواسطة فقار الكرخي ; 14/November/2018 الساعة 9:24 pm السبب: ازالة صورة واستبدالها بشعر
مشيني اعله غيمة صيف امطر دم واگلك فوت
مشيني ولك يا هيه جرحني ولك يا هيه
حاجيني مامش صوت
هنيال الشمس تنزف ضواها وتحترك وتموت
وجروحي خشب تابوت
واردن للحلم مجبور وياخذني الحلم ويدور
وافتر زفة ويه الگاع سباگة بجنح مكسور
وعيونك گمر يا هيه تايه
تايه وبسمانا يدور
ينشد عن كحل وبخور
ياروحي سمه ونهران شو صيري كحل وبخور
للرايد كحل وبخور
ابو سرحان
بيوتنه الماضحكت ألخل
مثل العضام البارده أصل
والبوب مدري منين تختل
كلما تجيها الريح تجفل
وديلي لو بس هلا
ما رايد شلونك
انه شبيدي
يالرايح امن يدي
يماي وطاح مني بگاع عطشانه
وبعده ايلالي العطش بيدي
يصيده وعالجرف ضاعت
اكل عمري البحر لمن وصلتلهه
ورجع يبچي الشبچ بيدي
ويگله يلوح الحزن بيدي
عمت عيني عليك وتنگط دموع
كونك تمر بالروح وامطرلك سبوع
كف يچف افراگهم كف لاتعتني
كفني من چنه وچنت
وأيام ناسيها ونستني
لا تكحلني بصورهم وك مراودهم عمتني
وعيني .. عيني لوحه امشرگه
بالك تدگ وتبسمر الطيف اعله جفني
رخصوني ، ضيعوني
چنت ليره اعله الدرب
وعيونهم ما وچدتني !
چنت لـيرة اتلـوح اعلى صدورهم
لچن گلايدهم شبه ماوالمتني
كف يچف افراگهم عين العشت
بيها انكرنتي