خل انموت اني وياك
بلكي الراحه بالدفنه
اني وياك والعباس
غير الظيم ماشفنه
خل انموت اني وياك
بلكي الراحه بالدفنه
اني وياك والعباس
غير الظيم ماشفنه
يصوغة عشگ يا قداح
وانته اول نده ينشم
يهيل الدنيه من يفوح اشمك كون كل الشم
خرخشلي ابضحكتك ريل
محطه ابروحي ماتندم
سولف دغدغ الساني بسواليفك حچي اتهندم
نگطلي سوالف ماي العطش بالگيض يتشتم
سيرلي زلف وخدود تلگاني ابتراچي اهتم
تعال
انت السنين الغربت غفله
ونسيناها
ونست حبنا ..!!
تعال انـجان ربك يا ترف ربنه
تعال انته
نجيك احنه
تعال نصير سر ابير خافن تنتهي المحنه
ونشوف الدنيا خلصانه
وتروح انته و اروح انه..!!
لو مطيب خاطري ...!
بكلمه بـ سؤال شراح تخسر ..؟
وگتلك بـ آخر
رساله تبادر وتنقذ حياتي
چنت تگدر..!
انه من اعتب شگلك تدري بيه احبك
چان خيط الودّ
كتر عندي و كتر عندك
حبيبي
و من ردت گربك لگيت الخيط سايب
ليش يا تالي الحبايب
عريان
درت من شوفي اعلهَ طولك
ومـا گلتلك
تجيني ِمن آخر غروب البحر والنّاس
تلگاني اعلى جرف الليل
أصلّيلك نخل عطشان...
اتيّه بيك
واَندلّك
مطر يشبگ خضار اسمي
وافز من كل كتر غرگان...
أريدك للعيون عيون!
عوّدت الدروب ِعليك
صورة شمس
يومية الصبح
تندگ على الحيطان…
ياصافي
يبستان الصدگ! , بالطيف من نتلاگه روح بروح
واحد يرسم الثاني
_ميثاق الهلالي
حلات الجرح من يزهك إعلى السچين
تتگسر أبدمه وينگطع كُل شد
حلات أدموع تالي الليل
من يذكر حبيبه ومايشوف أحد
حلاتك يانهر عمرك سفر تمشيه
لا ترتاح لا تگعد لا تمتد
كاظم إسماعيل
اشتاگلي عيوني غريبه...!!
واليهزه الشوگ گلبه...!!
ولا تظن جدمه اليجيبه...!!
اشتاگلي الصفنه خذتني...!!
وگلبي حيره تايهين...!!
ودنيتي خلافك رخيصه...!!
وذاك من ذاك الحنين...!!
حسين الحبتري