هنا

[هيڤين ']

تدري نوبات الرسايل .. تختنگلك لو عتب شايل صدرها
تريد شباچ اليفكها وتحجي كلشي

لـ محمد القزاز

[هيڤين ']

..
گلتلي الروح بيدك طين مامجيوس
على شكل التريده بكيفك اصنعهه

لـ جبار رشيد

[هيڤين ']

المطر شيعودلك
من ينزل يشبهك

[هيڤين ']

نتبسم بوجه الخلك
وعيونه
تصيح جذب
جوة الضحك تل ونه

لـ عريان السيد

[حيدر الغديري]

عَيناكِ حِكاَيتي وَمآبين نَظرة وإلتَفاتـہ تَولد
فصول عمري من جِديد ..!

[هيڤين ']

أصعدلك نجم ع البيت
وأگعدلك فرح للدنيا لو مريت



لـ علي الشباني

[هيڤين ']

وافترگنا وهاك
ريحة چفك الظلت بچفي...!!

لــــِ لطيف العامري

[الجنوبي ابن الناصريه]

گوميلي ييمه وداعتچ تعبان
بس بشوفچ ابره وتبتسم عيني
بس انتي الوحيده القادره بهالكون
بتراب الچفن يحبيبه تشريني
اسمعيني ييمه وگومي اترجاچ
مامرجيه منچ هيچي تاذيني
گوميلي آنه جيتچ ماأريد اعذار
طشرني الوكت يايمه لميني

[هيڤين ']

حسافه..
أسگيتك بروحي
وحسافة العمر ما ورد...!

لـــِ مظفر النواب

[هيڤين ']

نـاس مـا تدعيلي اعيـش بعيني..
شــفــت أﭼـفوفهم تدعيلي أمـوت

لـ حســــين الحبتري