مشكلتي افهم حتى عالما يحچون
ومو زينه واحد هيچ يفهم كلش
يشبع اذيه اليفهم اعله المقصود
شگد صعبه تخسر ناس كلما ترمش
ويسألني واحد,, ليش هلكد ميزان؟؟!
ما يفتهمني العمره خلص بالغش
مليت احب الشجره وتهزها الريح
لا والتقهرك راح بيها اشكم عش
ما بيه اواجه، واسكت وما غلطان
مو كل شخص يعرف شيبني ايفلش
زادت وگامت ما تكفي الشبعان
وجانت الخبزه اهواي ناس تعيش
اشلون اروى نوم؟ الليل ميهدني بساع
ومجبور اكعد للحياة مغبش
احلامي نجحن مو شرط الا وياي
ميخالف احلم حتى غيري يبلش
مرات احسده الما مغير عنوان
وهنياله كلمن ناس يمه اطرش
الما مستقر ويدري هم راح ايشيل
ما ينتظر خطار خاطر يفرش
لـ يوسف الساعدي
رد مع اقتباس
المشاركة الأصلية كتبت بواسطة فقار الكرخي
