هنا

[فقار الكرخي]

تضل وياي مامجبور
دورلك خلگ
ماچاسه ضيم الليل
خلگي عل النوايب مشتغل ناعور
مِد الشوف

دورلك نوارس مشتهاهه جروف
أنه غراب وأحوم بكل سلف مهجور
لاتگرب
يضحك قصور

أنه الشايل نواعي الهور
أخاف ألچم لذيذ البيك
حزن چيمة عل وجهي شما يوچ تنور
دورلك
ضوة يدليك
من تهفت مصابيحك

دورلك فرح برفوفي مامش سالفه تريِحك
عود لأولك
هذا الوكت جذاب

أحلام الطفوله مناشغ تصيحك
لم خيوط طيفي لاتصير أحبال
وأعدم كل مراجيحك
مامجبور

عمرك حابسه بسرداب مامجبور
المثلك ينشتل ريحان
فوك الكاع
ونه صبخة بگفاي تلوذ بس أكبور
يراگد لاتگضني أچويك
جهنم
بالدليل تفور

أنه مرقد عشگ مايوم منطي مراد
عليمن معتنيلي وتارس الشباج بس أنذور
مامجبور
مامجبور






مبدر الﻻمي

[سمراء من قوم عيسى]

الله الله
عشت يامبدع

[فقار الكرخي]

نورتي الكون