گلولهم لا ما گضت
شده وبعدهاا چبيره
بس إلها رب وتنگضي
ماتبقه شده وحيره
بعــد بيــه ويــه ليـــلک مستـــحه وطيــش
اغــفه بـ فيــک طيــوف
و اڪحل ليـــلک زلوف
و أمطــرلك تراچــي مــسامر وكيــف
فڪيت ريجــي بدمعــي وانعــــاك
الــ يشــتاگلك ﭼــا ويــن يـلگاك
الليـــله ع الــ سفــره ذڪرناك
ياريــت اخــذنـي المــوت ويــاك
والله وصرت مثل المطر تفرح الناس ابطيحتي
مثل الورد كمت انگطع من ياهو يشتم ريحتي ..!
كلشي جذبة
حتى هذا اللون الابيض بالعرس ماكمت احبة
كلشي جذبة
اهلي جذبة
انتي جذبة
الموت والنار الحجوهن ذني لعبه
كلشي جذبه
حتى ذن اخطوط اديه ايجوز جاهل شخبط بمسمار بيه
حتى وجهي اليضحك بوجه المرايه
يجوز واحد كاعد ويضحك عليه
حتى من كتلج احبج جانت الكلمة فراشه وطارت من اجفوف اديه
دورت بهدومي عنج من دريت العاشك ومحبوبه واحد
وانه جاهل اكره القسمه الحقيره ويوكف الساني من اكولن هذا زائد
اتمرمرت جزوني ربعي و بالفصل صبوني كهوة
اطشرت جامه اعله كاع وكلها صاحت يالله فدوه
هوا ياهو اليسوة اطيحن وانه اكل لروحي يسوه
بيه خير او انسه كلشي وابدي من جده وجديد
والبس اهدومي الجديده وبيها انام اشلون جاهل لوسمع باجر الصبحيه عيد
بية خير
اكتب لروحي قصيده
وكل شطر من اقره اعيد
همزيــن الحــزن مــو عيـب
لــذيذة الـــ آآه لليــسوة
مثل لمة فخاتي عضاي يالطاريك
صگر وشما يمرني اعضاي تتطشر
جرح تلعب بروحي وماهديت بيوم
اضطراب بجسمي عايش تصغر وتكبر
حلم وردي جنيتك كلت راح ارتاح
بس طوّخته حيل وصار موت احمر
لـ رائد ابو فتيان|
لا يهمك سهم بچفوف التودعه
حلاة الريل موبالروحه بالرجعه
لا تكشخ گمر والليل وحشة ناس
على ضهر الضلام امخوصره الشمعه
حط روحك نبي لو نزل سعر البير
سرك كون اخرس انته متسمعه
واشرب من حلاتك گبل لايضوگون
حط قيمة لعِشرتك عشره من تسعه
ل-محمد جابر
اجه مسيس ونين الشوگ
شگ روحي ونزل بيها
لـ الگاطع||
