عايش وﻻكن ألم.
عيشه خشب علجمر.
خايف يهب الهوى ويظيع مني العمر.
مابين نار وقفص خيرني هيج الوكت بيناتهن بس هجر.
وجروحي كومه علي بالليل نسهر سوى حد مايطر الفجر.
وياي جنهن بشر
بس عاشكات السهر
بعيونهن جن ملح.
مابين هم وقهر الهن صرت جن ارض وجروحي بيه فلح.
ولو راد يغفى جرح .
كلهه عليه تجتمع ويفززنه بملح........
هيج انه حالي صفه
مل مني حتى الهوى
كد مااحب دمعتي.
نوبات بيهه افتره من اختنك ونجرح تصبح الي سلوتي
مثل الصديج اصبحت
انه ودمعتي بخت
ماعفت انه صحبتي.
الله ياهل الوكت من ظيم روحي صحت الله ياخلتي
مجبور اعيش الحزن وجرع مرار اﻻلم وتعايش بمحنتي
حسرات اجر مونفس وبروحي اهمس همس
ذابت بعد شمعتي.
مثل الجكاره صرت وبحلكه حطني الوكت ويدخن بعبرتي.
متروسه جانت عنب
بس هسه ماكو عنب
وتفرهدت سلتي..
رد مع اقتباس
