يادافي بوكت صگت ثلچ دنياي …؟
انه حگي من اشوفگ دنيا وحدها .
يادافي بوكت صگت ثلچ دنياي …؟
انه حگي من اشوفگ دنيا وحدها .
من كثر مابارد مشاعر صرت
ظرفين اودّي اويه الرسالة گمت
مابيه كل تقصير بس اتضح
قصرت من وياك ماقصرت
مهيمن الامين
من رحتي النجم خايف
باهت مو مثل لونچ
امس يحچولي بأخبارچ
يمر اسمچ
واحس البرد مدري منين يتعنه ويجيس الروح
واصبر عيني
وبگلبي الدرب مذبوح
الشمس ؟ چذبة
الحقيقة انتي
السوالف تنگضي وتبقين
ما ينگالچ چنتي ..
مرتضى الحمد ،
.
غَني روحي
الليل لو چلچل يطشره الصبح گوه
غَني يل طال وكثر بيچ الحچي بغير المروه
غَني شو شفت الغِنى من الصفنه أشوه
زامل سعيد فتاح
يگولون اليحب ينذل
اشو كلما احبك حيل
اصيرن واحد معدل
اشتهيك
وأحسب ذنوبك بآصابيعي ، وأخاف
اشكَد أصابع رايده ذنوبك ..
وانه بجفّين ما تكفي امن اعد
آه ... والذنب الجبير
يريد صفنه بكَد سما الله
ما أضمها اعليك
جم مرّه آشتهيت وكَلت آراضيك ..
وخفت
عبد الكريم القصاب
...المشاركة الأصلية كتبت بواسطة هيفين ღ
ياطير اعله بختك ماتجي اتعود
السفر طول نكلك يالمسافر
تعال وطوف بستان السلف ذاك
اليزوره وداعتك جان حاج زاير
بيت الله العراق ومكة بغداد
وسعفات النخل كلهن مناير
ماشيتك كبل بس هسه مااثق بيك
وخطوات الامس مجبور ابديهه
من كد ما فطن تارس كفاي اعيون
اشوفن خنجرك والطعنة احس بيهه
الكاع بلا فلح دوسته شربة ماي
المازارع كبل يندل سواجيهه
الاخرس بده طوله كبال صوت الناي
يلم بيهه السوالف توكع شبيهه
