ياما گتلك ..
لا تيهني ابرودك
لاتخلي بروحي صدعه
واليحجي الماينحچي
ينزل بدمعه
اخ لو بيدي الوكت واگدر ارجعه
ياما گتلك ..
لا تيهني ابرودك
لاتخلي بروحي صدعه
واليحجي الماينحچي
ينزل بدمعه
اخ لو بيدي الوكت واگدر ارجعه
وشـگد اجـيت بچـم حـلم
بـس انـت َابـد مـا فرزنـت
شـوگي وتعـابـيري
مشكلتك اتضـيع العـرف
لـو روحـي يمك تنـذبـح
هــم تلتـهي بغـيري
- هاني العگيلي
بيت الما یچهبه الضیف مسکون؛
و دوا الکوسر الما مسحوگ تفلیش!
و ولا غندبنه بوجوه المجبلین...
و لا من گام صاحب گلنا الفْيييش!
المهره العدنا يوم صيارها تغير...
خیل العدنا ما تحتاج تچبیش!
احنه وي اليحبنا ندخل النار...
ربع الما تطب النار ربعيش؟!
شلونك لاتگلي منيلي الوان
وياهو العافة ولفة وعايش بخير؟!
تبدي الوحشة من جيت الخفافيش
لحد ما يبدي دووام العصافير
ریحتمن بثوبک ماهی الک شکّیت
شابگمن چنت شو شفّتک صفره
و لمّه ابابکم بسلا ضمیرک مات
وتیتّم عشگنه و تجرح الفقره
اجیت بیاعذر کف موسم الشمات
کلمن خذه امراده وطاحت الحضره
براحــتي ويـن ما اطرب اريد
انت مو ماي الاشربه ولا هوة
انت لو حاضـني ماطير لغريب
من كثر ما فرفحت جنحي قوه
جفنی من السهر ضیّعت بی فانوس
ومن تنکت ارموشی اتطیحلک سهره
العایش بل حرگ من یحچي.یحچي ارماد
و الدارس ثلج مایفهم الجمره
دليلي ابغيبتك يحسين شالوه
وعبيط الجان يجري كبل شالوه
عكب مصرعك راسك ليش شالوه
على روس الرماح السمهرية
جابر الكاظمي
تسيئ انت واذبها براس الضنون
واگولن ساء ضني وهو ما ساء
وتگلي ان شاء الله باچر امر بيك
وخلگ ميت وانطرك بين الاحياء
ومتمرني واگولن يله معذور
گلي ان شاء الله يجوز الله ما شاء
مشتاگلك
تندلنـي ، مـا تندلني
يا بعـد ذنيـچ السنين وذني
هـو اني عمـري امعلگ ابدربـك خيط
وابكيفك اتزغرني واتكبرني
- وليد الشيباوي
