هنا

[صفاء العامري]

عمرك طويل صفواي .. سلامة دائمة وتألق

صباح الخير صديقي .

شكراً لحضورك

[فقار الكرخي]

حّنة المنجل بدمي اعناد مهره

وشَب صهيل الحيف
گامه بلايه حس

واهسي كذلة ابريسم

بفيّ نياشينك
بروحي
تفرفح الشهگة شمس

[سمراء من قوم عيسى]

لا تدگ بابي اعله مامش
چفك الفارغ محنة
انته مو ذاك العرفته المشتريني
ولا هذاك

الينحب ويذرف سواجي
شما كثر بـ الهم ونيني




عباس الغالبي

[ڪُحلــَـْہ‌‍]

كلولهم شدة وگضت
وبخير صارت حالتي
والطيبه منا وانتهت
ما راح اصاحب اي بشر
انه ارد اصاحب راحتي
الما وگفلي بضيج امس
كولوله باچر لو متت
لا يوگف اعلى جنازتي

لــ ابو فتيان

[سمراء من قوم عيسى]

أعلكلك العشرة شمع
وتكلي أصابيعك حلم

[فقار الكرخي]

إِذَا صَابُكَ حَزَنٌ صَادِقُ النَّايِ
عَلَى حِسِّهِ تَعِيشُ أَحْلَى اللَّيَالِيَ
بِحِضْنِ صَوْتِهِ يَنَامُ كُلٌّ مَهْمُومٌ
أَصِيلٌ وَمَا يَعْرِفُ قِيمَتَهُ القلبه خَالِي

[ڪُحلــَـْہ‌‍]

من مريت ؟
ماحسيت ؟ "
منداريت ؟ ~
لو مندار تلكاني !
شكد تانيت ؟ "
وتأذيت ما حنيت ؟
ٱرجع عاد شمتاني ؟
شكد ضحيت ؟
ماضنيت ! "

وابقه انه متاني

[سمراء من قوم عيسى]

نام گبل السهر ليله
ولا تشوف اليل من يلتم عليك
وهمّه ماهم..

لا تمُر ابكل درب بي خطوه منهم
اتعوّد اعله الموت واتحمّل جفاهم

من تجي اصورهم ابّالك .. دير بالك
صعب جرح الخلّصت عمرك دواهم!

لا تفتّش بالهوه عن صوت منهم
ماحچو مثلك .. ولا مثلك حچاهم

[فقار الكرخي]

موگوّه المحبّه وگوّه ماتراد
من طبع النفوس ابكيفهه من اتود
أولّهم اعدّك من اعدّ اعزاز
وانته بيا مكان اتحطني من اتعد

[فقار الكرخي]

ولو بارد ثلج، ما گتلك أشّاه
ثلج دافي أگول وما أجرحك
عزيز وعوّدتني أستلذ بالآه
أشما تعصر بگلبي بوجهك اضحك