-مثلهن ما تغزلتي؟
حبيبج شنهي سالفته؟
گلت محبوبي بي ميزه
يعد الـ حبها سِبر اخته
الى ان
حسب شرع الله
تصير بحضنه وابخته
كلهم بالعشگ يحجون
بس هو العشگ سكته
بوجه السولفوله بقيس
جان الستر سالفته
ستر لاخواته ، للجارات
واصلا ديرته بذمته
.
.
-شتوصفينه؟
اهو "شروگي"
انا من اشتاگله ادعيله
بس ربي الدره بشوگي
"الفتوه" الطلع بيها "احساس"
چف غيره نحطله .. يثور
خو مااشدله چف عباس
واذا عن حِسنه
اي مزيون
بي تتباهه الولايه
من يجبل عالمرايات
اشوف الوادم يهوسون
"وجه الزين هيل وطش بالمرايه"
-شحاچيلج؟
عدا الـ بالعين
عدنه "شلونج" هوايه
زهراء محمد
رد مع اقتباس
