رحت بس رحت روجة ماي
كلشي ابدونك تفطَّر
صعب من تلكه شي مكسور
بس يوميه يتكسر
رحت بس رحت روجة ماي
كلشي ابدونك تفطَّر
صعب من تلكه شي مكسور
بس يوميه يتكسر
تعال ولا تظني عليك زعلان
چا هو الگلـب من نبضه يزعل
صدگني أبد ما همني الصار
ولا زهرة محبتك عندي تذبل
مو انه دفنتك حدر العيون
أشوفن بيك ساعه وبيك آندل
عذبني هواك ومرمر الروح
وآگـولنّ ما يهم هو يتدلل
جنت ودي تودني وجان
ودك كون ما ودك
اعله كد نيته اليحب
جا ليش صارت نييتي بكدك !؟
روووووح گتلك ليش أخذت حچايتي !!!!!!
سوالفك والليل سلبن رااااحتي
دمعي طاح وعاذرك
ومن اصلي الخاطرك
(هيچ أگولن ربّـي رجعه بداااعتي
شيلحك كبريائج وانتي صرتي
حرب جنج دخلتي وانتصرتي
بلايه ال( ليش رحتي) ماشي رحتي
ولكن ليش رحتي ما شرحتي
أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيـچ الليالي المالهن حوبه
وثالثهن دموعي الصبّن بفرگـاك
على كل دمعه أفصلك فصل منهوبه
ورابعهن تروح تسكّت الشّمات
وتگلّهم حيل أحبّه وأبقه محبوبه
ممكن بعين الاعمى تنشاف جبير
وصغيِّر تشوفك العين الصلفه
ضميته ضمة تاجر بنية عود
يغلى وصدمني بريحته المختلفه
وصبرت صبر اليحرم بروحه سنين
وتاليهه بيده يظل حلاله يتلفه !
انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي .
يلي غروك بضواهم
ما خذت عبره امن امس
ما دريت بكلشي يلمع
ينطفي بجية الشمس
اعله كد نيته اليحب
جا ليش صارت نييتي بكدك