من شفت الوفه اشويه
اسأل روحي يوميه اكلها اشبيه مابيه
اذا محتاجة صاحب زين
عذريني الصداقه تريد مننيه
واذا محتاجة حب واحساس
حبيلج وحده مو بت باب بت شباج
ماعدها التخسره تريد حنيه
يروحي الناس جانو ناس والزينين شالو مابعد جيه
حتى الكاع وكفت وانه كمت افتر
احس دمي انكلب اسمر
وهيس روحي مو مرسال بيها من العتب دفتر
بجت حد ما نكع كلمن وكف يمي
اكل لروحي لا مو عيب لمي اطرافج التمي
يرافع صيت الاولايات ارجعلي
اريد اكشخ مثل مايكشخ المكتول بدموع النثايه الحبته بسكتة
اريد اكشخ مثل رمضان من دفنو علي بذمته
اريد اكشخ مثل عريس من ايشوف امة اتهوس بزفته
ارجعلي ترة اتوازيت واليتوازه مشكلته
خلص ماييهن ذن الصبح يعمن
اخ اخ مثل صب المطر صبن
عليك ولا صبع منك حن
علي البديري
رد مع اقتباس
