خذانه الشيب فشله نعيش عالفطره
شحلات بنادم من ايطيح يم عمره
شكو ثوره تطشها الريح مو ثوره
وشكو من حسين طاح هناك جانت قبلته بنحره
وشكو دخان ما معروف يكره نيّة المطرة
لهسه نشيّم السلطان ونساوم على الفقره !!
خذانه الشيب فشله نعيش عالفطره
وبعدنه انطوف عالفانوس
ونضيع بضوى الگمره !
يحسين شكثر شفناك بالبصره !!!
العطش توريه لطفك واليريد الماي
يدري المشرعه تبيعه
والاطفال الكتلها الجوع
ما باگتهم اسرائيل بس باگوهم الشيعه !!
وسكتنه
وگلنه حزن الناس بالنيّه
وگلنه الثورة بالنيه
فشل يحسين (ليش الثورة بالنيّـه)
شكثر شفنه حريگ خيام بس الطلعو شويّه!
وفشل نندار للتاريخ اذا زينب الحره لهسه مسبيه
حرام نعيش اذا ماعدنه حريّه !
حرام نسافر وي الصوت اذا كل يوم تنجر منه ترچيّه !ا
نستنه عيون !! اذا كلهن عرف مو حگنه نستغرب؟
واذا مامش صلات تفيد !!
شتفيد الجفوف التدعي بالمغرب؟
واذا خطارك يفشلون إلمن بعت دمك والهم تعزّب؟
وحكك يابو عبد الله البجولك مستحى بعاشور
هاي الوادام تچذّب!
هاي الناس چذابه وتريد بثوبك اتچلب!
يبو الملگه يالمعزّب باصابيعك !
يشاريها بگمر ونجوم ليش الوادم تبيعك ؟
شتظن بصدورنا نشيّمك ؟
شتضن نحترك عالفقره مثلما ما حرگو إخيّمك ؟
چذب !
جذب
جذب والمالهم شرّاي باعونا بطواري إسمك !
وسام اسباهي
رد مع اقتباس
