هلا بالجان مرسوم بخيالي
هلا باليمشي ويظل اعله بالي
انا لو عندي غالي بجيتك انساه
وجيت انت بوكت ماعندي غالي
هلا بالجان مرسوم بخيالي
هلا باليمشي ويظل اعله بالي
انا لو عندي غالي بجيتك انساه
وجيت انت بوكت ماعندي غالي
عـن ياهن احچيلك قسوتك ؟فرگاك ؟
بـ يـاهنة ابتدي واختملك بـ ياهن ؟
مـاتذكر ابابك من وگـفت شـلون
اسولـف والجـدام اتـعارك وياهن
وشفت اچفوفك اللولحن بـ الله وياك
هيج بـ هالسهولة وگلبك انطـاهن ؟
مابيه ..كلب للشوك مابيه
احن .. واتلهف .. واشتاك مابيه
ولا بيه ..اصافح من جديد اجفوف
باعت واشترت بيه
ولا بيه..ارد اردود اخاوي اوجوه
ما بلل كصصها المستحه شويه
صح ماكو مثلكم نفس يحيي الروح
بس .. مثلي لهواكم ما تصح ريه.
حزنك اشبابيچ مغرب
وگاع صبخة اعيونك تناغي النهر
ودمك الميت محطة بلا سفر
هناك ياگلبي لگيتك طيب چن ريحة مطر
بوگ روحك من صورهم
هناك ياصورة التردك شاب من يمشي العمر
الشرف لو چلمة التنگال
لو دگة بدو ِمن أول عشگ تندگ...
(شيطان) بقصر من جام !
يضحك! ، والوطن ورقة عمر
تنطوي وتتشگّگ..
وطفلة بصف الأول مدرستهم طين !
رِسمَت شمس فوگ ال( دار)
ضحكتْ والعلم دنّگ …
سئلته شبيك گال اليوم زعــــــﻻن
گلته منين گال السبب مـــــــــنك
گتله احچيلي بيش ويــــــاك غلطان
گال الي تحبه بعيد عــــــــــــنك
گتله اسكت يعمي وسمي بالرحمن
گال انه سكتت وسمعت ونــــــك
گتله الله خلق للبشر نســــــــيان
گال شلون تنسه الوجع فـــــــنك
گتله اصبر عليهه وللفرج بـــــيبان
گال الصبر راح وايست چـــــــنك
گتله ارجو ﻻتزيد عليي تعبــــــان
گال الوجع يكبر وي كبر ســـــنك
گتله انته دليلي لو الي عــــدوان
گال الوجع بيه وبيدي اوجــعنك
اتريـدني احـﭼـي الصــدگ
ما ضــم عليـــــك احـﭼــي
نــوبات اڪــرهك صــدگ
ونــوبات احبــك صــدگ
صــدگني والمشڪله بــاثنينهن ابـﭼــي
تگلــي تـهــون ..؟!
بــيش تـهــون
أعمى ومـاا موجودهہ عِنـديّ عيون
تايـﮭﮧ وبـدرب مـسكون
،
امـشي بيـاا درب گلـي
كبر جرحي وصفـﮭﮧ بحلـي "
واحضنـﮭﮧ گـبال شمـاتي
`
واگلهم ههــذا اثـر خلـي
ويـا حــريــمـــه
شـلـــون انـــام الليـــل
وانـــه ابــراســي
گـعـدتـنـــه الـقـديـمــه
لو عدت ألكم ذيج شوغات الغروب
جا بخت ما بياش وشل فرد نوب