هنا

[سمراء من قوم عيسى]

بسفاها من الضباب ايمر ضعن جناز
افز .. ع صوت تكبير الخمر بالراس
ياتكبير عاف الله وعثر بالكاس
افز مذعور ادورني بقميص الناس

ادورنــي
اعله مسـچ امي
اعله كافور المنايـه
اعله النبگ
بـ الياس

ولا شگ زيـج من سمـره بـ علاقات العمر ع راس

. وإساجي ازواگ نعشي مفتـِش ومشيول
احس بالهدل متنه ويستحي امن يگول

وشوف الله شكثر بس حيل ماخايف
شفت ساعه اع حايـط والوكت واگف

يهضمني الـيزت بجنازتي المنغير ضجه وصوت
اذا هيچ العزيز بلا دمــع ماموت

رجعوني الهلي وماريد فحل التوت
لرازونت خنگتي التشبه التابوت

. اريد ارتاح بس اسلم .

ارتل
كل خمر مضروب
وشهگ بالجگاره
امن التتن لـدم

اطش خلگي ع گد الـ اااخ ،اورجها الذليل شلون لونسم

افز ولگاني چنت احلم

افز و مزوهر امن الگيض شايل كربله بريجي

صدگ حلمان بس
ليش القميص مفتگه ازراره وخدش چف امي نازل غاد من زيجي

ااخ انا
انكتبلي التذ حدر زلف المتاها
ومغزل ايامي

اتيهن بالنشد للبيت والگه البيت گدامي


مصطفى الاشتراني

[فقار الكرخي]

عاشت ايدج