هنا

[ارجع يازمان]

هو الذيب غادرمن؟
حتى انوصفه بالغدار

رزقه ايدور الصيدات
ولهذا الرزق دوار!

مره الغنم ياكلهم
مره اجريذي مره الفار

حتى البشر ميعوفه
اذا تتقدر الاقدار!

يعني هالرزق مقسوم
حيوان واله الاعذار!

باقي ابمنهجه المعروف
ابد مابدل الادوار!

وهسه رايد أسئلكم؟
واحلفكم ابحامي الجار

هم يوم وسمعتوا ابذيب
سبب للذيابه اضرار!

هم يوم وسمعتوا ابذيب
يشعل بالذيابه النار!

شفتو ذيب يغدر ذيب؟
لومهما يصير الصار!

ليش انجامل ونعرف
الماشي ابدرب الاستهتار؟

ونغض النظر وانكول
بلله استرنا ياستار!

شوفو البشر شيسوي
واشكد جايب الاخطار!

مايرحم ابهاي الناس
يذبحهم ازغار اكبار

كلها ايظنها عدوانه
ومتحزم يريد الثار!

ابكيفه ويصنف الناس
ويلغي باقي الافكار!

والما والماه ابراي
يحطه ابخانة الكفار!

يغدر حتى بالماعون
ويشوه ابذيج الدار!

هسه ارجع واحلفكم
قسم بالواحد القهار

كلولي البشر لو ذيب!
ياهو المنهم الغدار؟
ياهو المنهم الغدار
حسين االساعدي

[فقار الكرخي]

تسلم ايدك يالغالي