هنا

[ارجع يازمان]

شنهي الما كلتهن خاطر احجيهن
خلصت السوالف وارجعت بيهن!

مليت المعاتب والزعل واللوم
لان مافادن اشما ارجع اعليهن

يالجمة جرح وتفزز الملجوم
عايفلي الجروح إوما تداويهن!

وافيتك ابعمري وماوفيت ابيوم
متهمك اعيوني إولا بواجيهن

انته ابهل غدر تستاهل الدبلوم
وانه الهل مئاسي اتقصدت ليهن

علمتك عليه ابسكتت المهضوم
اشكد غلطات الك مجبور امشيهن

صايرلك طفل ولشوفتك مفطوم
امكابل صورَك وانته ناسيهن!

عالكلك اشموع الما يمرله النوم
وانته بضحكتك نفخه وتطفيهن!

انه اتجاوزيت ابحالة المصدوم
كلهن عايشتهن وادري تاليهن!

ما الومك بعد ومقدر المقسوم
وبعد حتى الردتهن لا توديهن!
اخذ كل امنياتي إولا توديهن
حسين االساعدي

[تّـفـاَصيلـٓ]

حلو
عاشت الايادي

[فقار الكرخي]

مشكور عالقصيدة

[ارجع يازمان]

حلو
عاشت الايادي

حضوركم اجمل دمتم بخير