حزني شوگ المدري المن ؟
وروحي باب لكل غريب !
أنا مو عيسى وتصيرولي صليب ؟!
حزني شوگ المدري المن ؟
وروحي باب لكل غريب !
أنا مو عيسى وتصيرولي صليب ؟!
أتعناك أدگ روحي إعلى العتبه نذر
ومخضَّر اتمناك أصيرن فيَّ للمخضَّر
وأشب گامة خضار ومي
أسيلن غاد أفيض كُل سواجيك اسيلن غاد
الملم كُل عطش روحي واشتله ابابكم سدره
علي الشباني
اي مثلهم انته طبعك هم تخون
مشكله وما حسبت لحسابها
طيح من عيني ع هونك يا رخيص
الغيمه من تثگل تهّل اسحابها
انه صوچي استعجلت گتلك عزيز
ناس مو يم مستواي شجابها؟؟
سيف العبادي
ونيت سكتة وماردت يتشمتون بونتي
صح اضحك بنبرة فرح
بس ركز بصوتي بعد
تلگه نحيب بضحكتي
راح اضمد جرحي بدموعي التطيح
وما امد جفي لحضرتك
وراح اخلي عيوني تستغرب نظرتك
وحتى صوتك هم اشيله
ومن تجي تسولف على اذني
راح اكلك مافهمتك ...
كل هذا وانت بغيبتك
لا طاري جابك للكلب
لا ليل لمني بطولك
لا سجه غنت رجعتك
لا هو يجيس ضلوعك
ضيعوني
وانه ذاك العاشت عيونه بصورهم
يا ليرة ذخرنا
شبدلاك تراب
- غازي ثجيل
الدنيا كيض
ومات بشتانا النهر
- كاظم الركابي
يطويني الحزن طوي الغزل للصوف
وابعد عن طريجه ويضل بذيالي
- عطا السعيدي