هنا

[هيڤين']

مثل شبچة وتلم دخان ،
الملم بالهوه لصدري !!
واصيح اعله النفس نخوة،
وتفز كل السيوف تساوم بنحري !
شرخص دمي ؟
شرخص ذيج الوجوه المابقت يمي ؟
مامش غيري يفهمني ،!!!


علي_الماجدي

[هيڤين']

مرات من گد المرض
مابيك حيل ترد على
اليسأل اذا گال "شبيك"؟؟

ومرات يچويك الوجع
وتريد واحد يطفيك


ومرات تتوازه بليل
وتريدلك صوت وحيل
وعظامك تضل تحچيك
ولا تلگه طيف يمر بيك
ولا تلگه صوت يواسيك

مرات من گد الوجع
حتى انتَ ما تدري شبيك

زيد الهاجري

[هيڤين']

گبل لتروح اوگف روح حلف الليل
يجيب سوالفك ويحطهن ببالي

ويسولفلي سوالف كون مال أثنين
واحد عند الاخر بالعشگ غالي

ويرسملي سما الما چان بيهه هلال
يضم روحه بخجل من يطلع هلالي

ويذكرني ببشر وي نفس ريتي يبات
ولفي الچان مالي وهسه مو مالي

چنت لو ما أجي يرسل رسايل بيض
مثل نيتي أفتهمهه وترسخ ببالي

وأجي ونتلاگه ملگه المطر والفلاح
ويهب الحنان وي الهوى العالي

العاشگ فشل يمشي لوحده بين الناس
النجمة الما تحب من السما تلالي

المذنب والمفارگ ما ينام الليل
يوهوس للصبح والجفن مو خالي

يلون أرداني صاير بالجفن نيشان
ليل جفاك حتى نجومه تنعالي

ترفه رويحتي وهجرك لبس عاگول
كشخ بيه النده وهجرك تدنالي

الورد بيت الدفو من البرد للفراش
حضنك والعشگ هيچ يتراوالي

بس عندي طلب يالردت مني تروح
أذا محبوبك انه ومن صدگ غالي

گبل لتروح اوگف روح حلف الليل
يجيب سوالفك ويحطهن ببالي

يارب الهلا بس صرت الله وياك
خل يبرالك الله ودمعي يبرالي

لـ شاعرها

[هيڤين']

شخباركم
ليليه تلجمني الصور بفراگم
من بالكم
جنه انمسح ذاك العشك من بالكم

ناصر البدري

[هيلــه]

...

كلولها يحبج ترى بس خايف من الجنطه

[هيلــه]

...
ومن يجيك الشوك
لا تخجل تعال

[هيڤين']

...

كلولها يحبج ترى بس خايف من الجنطه

[هيڤين']

وإنته وياي
تلّتم النوارس والسمه إتغنّيك

والگاع أعله طولك
من تجي توازيك

يلّتم الضوه لملگاك
ويدوخ الهوه بطاريك

يا سبّاح روحي
ويا بعد كلهن ، أنه إمتانيك

فرفحني أعله مايك گيض
گرگشني بسمارك خلّ أشوغن بيك

..

سعود الخفاجي

[رمـْـْْـْــــــــآڊ]

.
متهمَني النهـِٰايه شلوَّن راح تكوَن
أنهَ بأول نفِس مْن عمِّري متنَدم .. !


- رحيم المالكي


.

[هيڤين']

شافوا روحهم وإختلف ملگاهم
يمكن صوچنه هواي احترمناهم