هوى فانوس
السچّه خياط فوگ الگاع
وقطارات السفر زنجيل
من تمشي تسد الگاع ، بعيونك
تسد الكاع عالراحو ، وترسم لك سهر ثاني
اعلى طول الليل
من ذكروك امس ، شگو قميص الليل
وتبيّن گمر والشگ كبُر باليل ، صار نهار
مو عطشانلي شمالك تبديني
وتشمّر بروحي حجار
يالمعلمني صوتك والحياه تعلوم ، حاچيني
جاسو ذكرياتك يوم ، مدري شمالني
كبر عليّ الهدوم
والذكرى رصاصه ، تموت من تفوت
الكتابه حجي ومرسوم تمثال لبگايه الصوت
لحتني وخلص العنگود ،تتشلبه شتريد تلوح
يمر اسمك غفل يترس الليل وجوه
اعاين عالنفس دخّان بس بي روح
وانته الماحلاله يظل ، وانته الماحلاله يروح ،من بالي
صوغلي اعلى گدي فياي ، گدرع اگدار بخيالي
واخاف تروح ،خليلي ضحكتي وصورتك وياي
ولا تحچي اعلى طولك ،حبنه مال اثنين
وجنك حلگ جاهل مايلم الماي .
منين وتخاف
خدك چنه گطره ماي ، ومعلگه بآخر خلك للصفصاف
يالعايش بروحي وصاير شمحلاك ، وشبعدك
عمرك فرحه شزغرلك
تعال اكبرلي ،ماعندي وجه بي ارجع بكدك
هذاك انت اكضك بالحچي المحيوك
وانته ظنونك تهدك
يراوي ، وما مرويني شبعد تنشد
وطيفك چان بعيوني بچيت وضاع
اتانيك واحس ضلي يظل يم بابك امدد
دهن عالكاع ،
م
رد مع اقتباس
المشاركة الأصلية كتبت بواسطة فقار الكرخي
