إتكبري يا حلوة عليهم شوفي حالج
ما يليق وياچ ابد تتواضعين
أني اشك الشمس تطلع من خوالچ
وحتماً يعود القمر للأقربين
طولچ انتي يغار مجبر من خيالچ
وعايشه بظل الرموش الوجنتين
كلشي بيچ مكمل وزاده دلالچ
من عسل مخلوقه والوادم بطين
انتي بس صبري عليه وطولي بالچ
فدوه اروحن للأصابع ...للإدين
يستفزني الحاجب واهوى نزالچ
وارجع اتقهقر والعن الشياطين
من تمرين يتهزهز برتقالج
ينفرط رمانچ ويطفح التين
والتضاريس أبرزت معظم تلالچ
من تثور تثور كل البراكين
شلون اوصفچ والوصف يعني اختزالچ
واني بس بالخصر أطول جمعتين
كون اخلص العمر جالس انه كبالچ
انتشي بعطر الشعر والمنكبين
شوفي حالچ بعد واغتري بجمالچ
واقهريهم انتي يا حلوة العين ...
شكثر يعجبني غرورچ في جدالچ
منهو قال تواضعي ولا تكبرين
اني اموت عليچ اذا تتكبرين ...
م
رد مع اقتباس
المشاركة الأصلية كتبت بواسطة sawsanmahmoud
