(شوگ المواسم)
وديتلك من كل جرح معنى النزيف وكتلك الما ينقره بگلب النشيد يضل غريب
و كتلك الناس البعيده نريد صوت يلامس عيون التدور
وين ضلك
وانت عديت الصدگ فوك الشفايف ونحدر منها وتبده
وانت علمت الگلوب اتحب بعضها
ومو بعيده من الوراق الما قروها يچيسنه اسمك
ولا چبيره الدنيا حته يضيع ضلك
ننشف وگول الماي زعلان
وتبرد وگول لروحي بردان واجيك ولايه بيبانها اموسمه بچفوفك
وكل گطره على العتبه من اغانينه ضوه اشوفك
يا شوگ المواسم للمواسم اشوفك نجمه بعيوني وحدها انا گبل الليل شفتك وانا گبل الناس شفتك
بعيده وضل مكاتيبك على كل باب عاشگ
انا من شفتك هلي وصبري ومعانيي تبعتك
وبصلات الماتمر فوگ الخشب والگاع شفتك
وساوموني ورادو يشفون گلبي شلون حبك
وضل شباچ كل ما تمتد چفوفك عشگ ليه
وچي وياك بسماري بحزني وضنوني
واگول انت الوره الدنيه
يامدري شياخذ عيوني
وشوفك كاس خالي من الذنب بيّه
يا محراب ما يحتاج الي يصلون
دعائك يوصل الضلمه فجر ويفزز العشاگ للحب
وچفوفك ارفوف اتلم رسايلنه وبريد ايوصل المشتاگ لهله
شبعد وطيف ياخذني جرف عطشان لعيونك
ورد للكاع البروحي نهر دجله
ورد ولكه الأسامي وجوه متبدله
ولو كل الشته المنك وصل عمري اكول انته دفو العشره
يذاك الينصلب كل يوم ونشوفه جرح مهيوب
ياعنوان من جرحه كتب روحه و وصل مكتوب....
عادل_سامي
رد مع اقتباس
المشاركة الأصلية كتبت بواسطة انثى مخمليةة
