هنا

[فقار الكرخي]

شگد معزتك..؟..بكل هدم ينگال عطرك
شگد معزتك..؟..( دمي بچفوفك واعذرك)

يا اماني الما لگيتك
وانه اجيتك..(خايف من اهلي واجيتك)

خايف من الليل..مني..من الحياطين التگولك
شگد معزتك؟بكل درابين المدينه نجيس طولك

(لملم جروحي بضحكتك)

انه اطلبك خوفتي
وكل عطش روحي وخضاري
ويبست الريج وصفاري

(ومايي كله بچف رگبتك)

حيرتني ..منين ما اصدن غصب يأخذني رسمك
حيرتني.. ( وانه بين چفوف امي وبالي يمك)

وبالي يمك..

شلون بيه من اشتهيك..؟





فواز رشم

[سمراء من قوم عيسى]

الله عليك

[أستثنـآئيـّةة❤️]

روعااات

يسلموو

[حہيہدر الہبغہداديہ]

مأراوع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..
دمت بحب وسعاده ..