مرحبا جميعا
مشكلتي هي عقلي الباطن تعرضت ل صدمة نفسية إدت بي انو عقلي الباطن يرسل لي رسائل خاطئة عن الموت وانو حاموت وحيصير شي بي واني اتعب جدا هواي من هكذا أمور
أتمنى من الاعضاء هنا مساعدتي لانو تعبت بحيث حنى النوم ما دا اكدر انام اخاف يحدث لي شي ووجهي وجسدي جدا تعب وأصبحت أراقب الانفاس انو طبيعة تعبت جدا
وشكرا
التزمي قراءة القرآن الكريم
هو خير علاج لحالتك هذه
وان شاء الله ربي يشافيج
انتي بحاجة لدكتور نفساني او ان ان تواجهي مخاوفك
وذلك من خلال تقبل الموت
فالموت علينا حق
وهكذا ستتخطين الموضوع
سهلة يمعودة
والله اسهل منها ماكو .
مع احترامي للست سوسن ورأيها
الدين عوفي على صفحة
لا زيارة تفيدج ولا سيد يقرة على راسج ولا صلاة الليل هم متفيدج
ولو تقرين القرأن 400 مرة ماتصيرلج اي جارة .
احجيلج عن تجربة ولأكثر من حالة .
هذا شعورج اجة من خوف
يعني خوف من المستقبل او على المستقبل
او خبر او هبطة .
هيج امور انطيج نصيحة عن تجربة
اسمعي اغاني
حاولي تسوين اشياء ممنوعة
كوني صداقات
غيري محيطج وناسج العايشة وياهم
سوي تغيير بالغرفة التنامين بيها
مثلا تصبغيها
انارة ازيد
تغيير البردات
وخطيتج بركبتي
والله اني مثلج
للاسف عزيزتي انتي بدأتي تعانين من المراحل الاولية من الوسواس القهري
وما اريد اخوفج بس اريد انبهج اذا استسلمتي اله راح تكون النتيجة غير مريحة
حاولي تشغلين نفسح وتفكيرج باتجاه بعيد تماما عن هذا الاتجاه
يعني غيري حياتج كاملة
وزودي نفسج بطاقة ايجابية باي شكل من الاشكال ولا تستسلمين لهل وضع ابدا لان انتي طبيبة نفسج محد يكدر يساعدج غير انتي نفسج
استعيني بأدوية مهدئة اولا تساعد على الاسترخاء والراحة النفسية
وبعدها بلشي ببرنامج الطاقة الايجابية..
ان شاء الله تتحسنين
يا ست يمام
غير تشرحين لها
برنامج الطاقة الإيجابية شنو هوة
واشلون تطبقه حتى تبلش بي
حتى اذا ما نفعها
تطبق برنامج فقار الكرخي
اول شي تسمع اغاني
وثاني شي تسوي أشياء ممنوعة
حتى تتحسن حالتها هههههه
الخوف يحرمك اكبر متعه من متع الحياه
الله خلقنا كفيل يحمينا لا تخافين واجهي كل مخاوفك
استعيني بالقرأن وكذلك الصلاة وزيارة العتبات المقدسة
اهلاً يالغلا ••
فترة صعبة هاي بس اذا استسلمتي الها تكون اصعب واصعب
ماراح اكولج طريقة تسويها لان كل انسان يختلف عن الثاني وشنو يحب وشنو يرتاح اله ،، بس بصورة عامه غيري من حياتج واشغلي نفسج دائما بأي شي ساعه وية الاهل ، ساعه تنظيف البيت ، ساعة ع النت تابعي واحجي وية صديقاتج ، ساعه اقري قران ، ساعه اطلعي لأي مكان حتى لو للسوك اللي هو احلى مكان بالنسبة النه..سوي ماسكات واهتمي بنفسج
.. تابعي افلام ، برامج اي شي ترا المهم طرق الانشغال هواي .. واني متأكده طول ماانتي مشغولة ماراح تخطر ببالج هاي الافكار بس اكيد مو من اول محاولة ، شوية يحتاج اصرار واعتبري هالفترة تحدي لنفسج واذا تعديتي ح تكونين فخورة وسعيدة بنفسج
موفقه يارب
رد مع اقتباس