هنا

[فقار الكرخي]

ما ادري ليش هيج كرهت الزواج
يمكن بسبب ما اسمع من المتزوجين

من احجيلهم عن حلمي اريد اكون عائلة صغيرة
زوجة واطفال 2 ولد وبنت
وتكون زوجتي هي الملكة المدللة


يكلولي انت شدتحس
بابة الله ميجرعهن
كلهن مشاكل ويتحججن
وانت منا شاعر . وعندك معجبات
شراح يخلصك وحق ربك تشبع ضيم
شلك بدوخة الراس
هسة انت شعايزك


كلت يجوز ذولة يحجون عن فئة
مو الكل هيج

كلت خل اخذ خيرة بالقرأن

اشو طلعتلي كيدهن عظيم

كلت لا هاي يجوز مو مضبوطة
خل اخذ خيرة ثانية
اشو طلعلي . وان خفتو نشوزهن .

سديت القرأن
وصدكت صديقي اليجي مرات يبات يمي
ويكلي كاره البيت مالتي

[فقار الكرخي]

اهلا وسهلا بالضلع الي ماينشلع منور

اهلا وسهلا فقار ،،

كل الهلا بالأخ العزيز فقار

متابع للنهايه

حبيبي حيدر يا ذهب

[فقار الكرخي]

الشعر

عندي مذكرة صغيرة ومذكرة كبيرة
اكتب بيهن شعر

وما اعوفهن بالمذكرة لأن الاكتبة ماريد واحد يشوفة الة من انشرة
ومرات يفتحون المذكرات يبحوشون بيهن

الشي الاكتبة بالمذكرة من اروح للبيت اشك الورقة واحطها بالبيت
فديوم اكو امسية شعرية بمنطقتي
وطلعت الاوراق اريد اطلع قصيدة احفظها واشارك بيها .
صارت هوسة الاوراق ودخت وعفتهن
كلت باجر على كيفي اطلعلي قصيدة حلوة
اني بالدوام واجوي بيت خالتي
وعدهم جهال عبالك دواعش
طابين لاعبين فلك بغرفتي والاوراق
هنه راحو
طبت امي عود تريد ترتب الغرفة قبل ما اجي
شايفة الاوراق بالكاع مشمورة
لامتهن وشامرتهن بالزبل
اجيت من الدوام
انشلت ايدي ورجلي من شفتهن ماكو
يمة وين الاوراق الجانن هنا
شافتني عيوني بكصتي اريد ابجي
جان تكلي هن كواغد نظفت غرفتك وذبيتهن بالزبل
وتالي كشختي اروح ادور بالزبل وما الكاهن

[فقار الكرخي]

خل احجيلكم سالفة الباجة

دائما نتراهن انا وصديقي على لعبات برشلونة
طبعا الرهن مالتنة يختلف عن الناس
مو عبالكم قمرجية

هاي ورة العيد الجبير
عيد الاضحى المبارك
تراهنت وياه على برشلونة
واليخسر يجيب باجة وينضفها بيدة
ويطبخها وجماعتة ياكلون وهو بس يتفرج

المهم انا خسرت
رحت اشتريت باجة
وطلعتها عاليوتيوب شلون ينضفوها
وحميتلها ماي وحطيت صماخ الطلي
بالماي الحار
شوية وطلعتة واحك بي بالسجينة
والله خوش مشيت
كام الشعر مينحك ويطلع بالسجينة
رجعتة بالماي الحار وطلعتة هم مفاد
خابرت وحدة تفتهم بيهن
كالت بعد لتخلي بالماي الحار ترة تجزر الباجة
.
زين هو حلفني ما اسوي بالموس او مكينة جوليت .
لزمت نشفت راس الطلي
ورحت الحلاق صديقي
طلبت منه هاي مال الشمع
اليحفون بيها مثل الشيرة
ولك شتسوي بيها كتلة معليك
واموع الشمع واستلم الحيوان
صكطتة تصكط
بس والله خوش تنظف
بس من يم شواربة اخذتهن بالخيط
حفيتلة
لعبت جولة بالمكرود
طبعا السالفة مو تحشيش .
واكو بنية هنا علمتني شلون اطبخها
وطلعت تخبل من شكلها بس ممنوع اكل بس هم

[مريم@]

مررت من هنا

[فقار الكرخي]

مررت من هنا

نورتي يالغالية مرورج شهد

[فقار الكرخي]

شوية شعر


ما بين رمضان الاجة
ومابين رمضان الراح
ردتة ضوة الكل دنيتي
تاليها من عيني وطاح

[عضويه 293]

خل احجيلكم سالفة الباجة

دائما نتراهن انا وصديقي على لعبات برشلونة
طبعا الرهن مالتنة يختلف عن الناس
مو عبالكم قمرجية

هاي ورة العيد الجبير
عيد الاضحى المبارك
تراهنت وياه على برشلونة
واليخسر يجيب باجة وينضفها بيدة
ويطبخها وجماعتة ياكلون وهو بس يتفرج

المهم انا خسرت
رحت اشتريت باجة
وطلعتها عاليوتيوب شلون ينضفوها
وحميتلها ماي وحطيت صماخ الطلي
بالماي الحار
شوية وطلعتة واحك بي بالسجينة
والله خوش مشيت
كام الشعر مينحك ويطلع بالسجينة
رجعتة بالماي الحار وطلعتة هم مفاد
خابرت وحدة تفتهم بيهن
كالت بعد لتخلي بالماي الحار ترة تجزر الباجة
.
زين هو حلفني ما اسوي بالموس او مكينة جوليت .
لزمت نشفت راس الطلي
ورحت الحلاق صديقي
طلبت منه هاي مال الشمع
اليحفون بيها مثل الشيرة
ولك شتسوي بيها كتلة معليك
واموع الشمع واستلم الحيوان
صكطتة تصكط
بس والله خوش تنظف
بس من يم شواربة اخذتهن بالخيط
حفيتلة
لعبت جولة بالمكرود
طبعا السالفة مو تحشيش .
واكو بنية هنا علمتني شلون اطبخها
وطلعت تخبل من شكلها بس ممنوع اكل بس هم

ذكرتني بسالفه اختي ويه الباجه
كمل
متابعه

[حسن هاشم]

اهلا وسهلا بالغالي

[فقار الكرخي]

نوركم هذا
ممتن منكم