قطارات الحياة
اكو بحياتنا قطارات هوايه وكلها تمشي بنفس الاتجاه و اغلبها تكون سججها قريبه من بعض و القطارات اللي تمشي عليها بيها عربات عمريّة كل عربة لفد عمر، هاي القطارات بداياتها معروفه و نهاياتها مجهولة ، بس كل القطارات مكتوب عليها " معنا تجد الراحة و نحن الذين سنصل بك الى برّ الامان ولا سوانا "
كل واحد بينه ينولد بفد قطار و يحسّ بأن هذا القطار هو اللي راح يوصله للنهايه السعيدة، فيبدي يدافع عن قطاره وعن ركّابه وعن السايق حتى لو ما يعرف عنّه أي شي ، ومرّات تصعد الحماوه عند بعض الركّاب فيضربون القطارات الماشيه بموازاتهم بالاحجار او بالقنابل وبعضهم يشد حزام ناسف و يكمز بنص الناس الموجودين بالقطار الثاني و يكتلهم.
نص القطار موجود بالدنيه ونصّه الثاني داخل بالآخره لهالسبب واجب علينه ان نميّز بين القطار الزين والقطار الشين؟
شنو هيّه برأيكم المعايير اللي نكدر بيها نحكم على هاي القطارات؟
رد مع اقتباس
المشاركة الأصلية كتبت بواسطة ثامر الحلي
