برد لولاك سن منجلگصيدي
ولا خيط الشمس حزم جديدي
يأول من تدور ايده اعلى ايدي
طرت بيك وي كل طابع بريدي
انا الماتيهت تيه رشيدي
يوگفة كاغدي وطيحت حديدي
يموتي واربعيني ويوم عيدي
يمفتاح القفل زنجيل قيدي
محسن الخياط
برد لولاك سن منجلگصيدي
ولا خيط الشمس حزم جديدي
يأول من تدور ايده اعلى ايدي
طرت بيك وي كل طابع بريدي
انا الماتيهت تيه رشيدي
يوگفة كاغدي وطيحت حديدي
يموتي واربعيني ويوم عيدي
يمفتاح القفل زنجيل قيدي
محسن الخياط
اجيتك مستحي وبالكوه ادك الباب ---
وعالخدين سالت دمعه مفضوحه –
وصلت الباب دارك واعثرت بالباب ---
كد ماتعبتني الجيه والروحه
بجيت وصحت باسمك من ورى الحيطان
بكلب مكسور يشبه كسرة اللوحه
حبيبي بداعتي مر عالكلب خطار
وبسجين عينك مزق اجروحه
العالم تذبح الدمعه بضريح ايمام
واني بحضرتك دمعاتي مذبوح
كلشي غربه
منين ما اندار غربه
شمـالكم محد خذاني
وحطني لو جذبه اعله گلبه..
لـ علي العتابي،،
ناس عدهه هواي وادم
ياهو متفرغ يفگدك
تانيتكم..
شمعة اشتعل
والريح عالي وجيتكم!
روحي صبغة وانتَ غيمة شوگ
تتباهى بنسايمها وهواها
- جُمعه الحلّفي
هـِٰلا يلّي أمن أشوَفنهُ ،
الـ واهّس بيشَ اوصفنه ؟
يهوَّدي وطـِٰاب للـِ جنهُ !
- أياد عبدالله.
وصلتني لحال احس گلبي الغريب
وچم حقيقة بروحي ضاعت من وراك
صوچي چنت بعشرتك انزف ضمير
وانت حتى بوجهك يسولف گفاك
لا انت مخليني اشوف ( شعندي ) ناس
ولا اني گد حچايتي واحمل جفاك
چنت تحچيلي گمر وادري انت ليل
غمضت عمري وبقيت انطر سماك
وگلت اطب للظلمة مادامك وراي
ليلة وحدة وماطلع حس لضواك
لـ صابرين_الكعبي
مناطرك صفنه وجگاره
وليل ما ضم السكاره
مناطرك ياضحكه راحت
من حزن ليلي ونهاره
باچر استغفر وداعك
واصحه وانسه شگلت باچر
روحي ماجابت حنين لغيرك
وظلت بلا خلفه عاجر
عبدالله العبدلي
مثل العلك وي روحي اشدك رايد
كدامي وانا اشتاكلك بالزايد
يالمايشبهك واحد بهذا الكون
جذبه اربعينك وانت بس هالواحد
