اللهم عجّل لوليك الفرج
.......
يالمهدي نحتاج. عطفك علينه
لهاي المجالس. لاشك تجينه
دمعاتك تسيل. تشارك بچينه
بحبك يمولاي. صرنه اوّعينه
اللهم عجّل لوليك الفرج
.........
يالمهدي مولاي. احضر عزانه
بالدمعه والنوح. شارك معانه
من ندعي مولاي. أمّـن ورانه
والباري بس بيك يقبل دُعانه
اللهم عجّل لوليك الفرج
........
خدامك احنه. بهاي المجالس
لوما دعـائـك. ما بينه واهس
هـاي المــآتـم. صارت مدارس
عشگ المجانين. علّمنه عابس
اللهم عجّل لوليك الفرج
.........
يالغايب اهواي قصّرنه ويّاك
اعذرنه مولاي قِلّه الذكرناك
عشنه وربينه يالمهدي بحماك
تاليها بسهام. ياما جرحناك
اللهم عجّل لوليك الفرج
...........
گلبك يموعود. تنزف جراحه
من عدنا ونريد. منّك سماحه
كل ساعه نذنب. عدنا الوقاحه
من عدنا موجوع. هاي الصراحه
اللهم عجّل لوليك الفرج
.........
صح بينا تقصير. لكن نعاهد
نبقه عله نهجك. عالحق نجاهد
ما عـدنا غيرك. يالمهدي قائد
شيعه ويعرفون. مبدئنه واحد
اللهم عجّل لوليك الفرج
رد مع اقتباس
