الحمد لله لگيت الصاحب الزين
الحمد لله لگيت الصاحب الزين
اليسوه تعاتبه ويسوه انتظارك
اليبديك ع روحه ويبقى وياك
واذا تتعب يفز لون السمارك
مو مثل التأمنه الروح والطيف
وتفز من الصبح بايگ خضارك
عشت وتعرفت ع الصحره والماي
وعرفت اليبرد من تزيد نارك
وعرفت اليستراح بتعبك هواي
وعرفت اليستلذ لو وصل ثارك
لكن من لگيت وجوه الطيوف
عشت طيف وگلت للراح فدوة
ومسحت تراب وحشة ذيج الايام
وضحك سني وعشت بايام حلوة
وشفت وجه الصدگ ينشم بالعيون
وجست وادم صدگ تعرف الخوة
حلو من تستراح بنص العزاز
وحلو تختار ربعك غنوة غنوة
حلو تلم بالگلب صحبان صحبان
مو ياهو اليجيك تحطه تجوه
اكو يبيعك وانت تعامل علي
واكو بهمك تحسه يصير سلوة
واكو يمه الايام تحسها لحظات
واكو اللحظات يمه تمشي گوه
يل مالك محطة لجيت العزاز
حط روحك عزيز الروح تسوه
انا المشتري بعز اليغدرون
وگعد حضي وطحتلي بخوش شروه
ازهر كريم
رد مع اقتباس