يا هني
ويا شوگ روحي
ويا عزيز ، ويا مزار
يطفح بچفي حنيني
و من حنيني إعليك اغار ..
عريان سيد خلف ،
يا هني
ويا شوگ روحي
ويا عزيز ، ويا مزار
يطفح بچفي حنيني
و من حنيني إعليك اغار ..
عريان سيد خلف ،
ما تهمنـي سوالـف اليحجـي بگفـاي
ومايهمنـي بگلبـه شيگـول ونـوه
آنـي بيـرغ والسوالـف كلهـا ريـح
وآنـي أكيـف لـو يطـگ جتفـي الهـوا
ااخ منك يا وضعنه شكد غريب
ناس تبجي ع التحبهم
و ناس تطرب ع الغريب
احبك وانت متحبني
گلت خل أحترم روحي
واعوفك ورگه بالشجره
و أتانيها الخريف الجاي
توگع حتى لو صفره
خلل بالشوك عنده الماسهر ليل
المابدة دمع بخدوده موش إنسان
الينطي بولفه لا يبجي عليه بعدين
المو كد العرس لا يحسد العرسان
هلي
دلوني من ياباب اردلكم
ضگتها امرورة البيبان والطلبه
عرفوني غريب ومو وجه مرتاح
كثر ما التفت ومدنگ الرگبه
هلي واخر خبر فوگ الرساله اچفي
ضگت فشلة المامعزوم بالغربه
اعرفك بس كلت لا
ميخون العشك و الما
حب غيره ضل ويا
ها خليته يشتم بيك
حضنهم ما يدفيك
باجر تبرد وادريك
لو تحضن جهنم هم تصيح اشاااه!
اغفى وأسد اعيوني عن كل حلم
كل طيف مابيه صورتك ينطرد
كون ابحطب نمرود واتذكرك
أكعد وفزن ميت امن البرد
حلو وكت الفرح بس وسفه ميعود
بس الذكريات تبقى يعيد ماضيها
احلى أيام عشناها صفت لحظات
يخنكنه الدمع لو جبنه طاريها
الساني شگد طويل يخورس الشيطان
ما وزني بحياتي ولاگدرلي بليس
بس وياك اصير حجارة عدها عيون
واخجل كالعروس بدخلت العريس
اعتقد عبد الحسين الحلفي