هذاك الويّ حبيبه ما كعد حضه
سولفلي اعله حالك من يجيك الليل
هم مثلي ابدمع العيون تتوضه
لو حالك مثل خفاش نص الليل
يسهر كضه عمره ابعينه المغمضه
صفه حالي حال البلحرب ما مات
صح عايش ولكن جسمه مشضه
توارد مفرده ابعافيتي اي موجود
تتوارد الفركة ابكلمة الارضه
ومثل عود البخور امنحترك بهداي
يظل ينفض بروحه وحد اينفضه
متعود عليك وليش شمس اتصير
متحسب اكليبي المغرب ايقبضه
متحسب اكليبي اشينبض ابفركاك
جم صوره ومواقف عوضن نبضه
متعود عليك وليش شمس اتصير
متحسب اكليبي المغرب ايقبضه
متحسب اكليبي اشينبض ابفركاك
جم صوره ومواقف عوضن نبضه
وخير امن الله ظلك بي عذاب اهواي
يعذبني امنحن الجفك وكضه
واشبك بالعوه ومشابك اني اوياه
بخيالي انسعد بس سعدته ابغضه
وهي المشكله زعلك احضيري اوياي
ما ينفع اعكالي خاطر ايفضه
وما تنفع اظنوني اتشيلك من البال
ولا تكدر احلامي الطيفك اترفضه
وعشت
عشت كبلك نعم بس عيشت ام اوحيد
وبسوك النخاسه اوليدهه اتعرضه
وجبت عمري وانه ابدرب السجج متعوب
وجبت ريلك كلت اي بلجن اتعوضه
انه امحسبك قصيدة اتعيش بالديوان
ما حاسب احسابي العاشرك ومضه
الاصبع ع الندم مو عالعشك محسوب
اكفر بالعشك لو فكر ابعضه
عليمن فركتك والحسره بينه اطول
دخل ذاك الحلم بالواقع انفرضه
تعال ارجع بعد مو ضلو ايكولون
هذاك الويّ حبيبه ما كعد حضه
م
رد مع اقتباس
