بعد ما عندي ناس ابكيفها انطيها
بعد ما عندي ناس ابكيفها انطيها
اوگضت كلّ الوجوه المستلذ بيها
ناس انطيتها ابگد ما شفتها اوياي
حتّى امن السلام اتوشّل ايديها
أفحط ليش باقي المغرب اعله الباب
وانه ما عندي وادم أبقه اتانيها
جبت عمري اشتري وما بيع ابد بالناس
واعرف اسراري عد يا بير اخلّيها
الحچي المابي بخت ما يلگه كل شرّاي
الچلمه المو ثگيله اتعيب راعيها
عرفتلها اوبعد ما أنطي وجهي الناس
على حسّ الطبل ترتاح رجليها
ولو هوه آنه من تثگل امتوني ارتاح
مو من طبعي ناس أخفاف أماشيها
واحب اجروحي چي لمّيتهن عن طيب
واعرف روحي كلما فزّت اشبيها
محمد العقابي
رد مع اقتباس
