هنا

[فقار الكرخي]

شفتك تشرب جروحك
ضوة امبسمر عذابة بلوحة الايام
طش ثوبة الظلام .. وما طفت روحك

وشفت ابظل تواريخك حزن يغلي
اوجه غابة اونهر متعوب
واگف وحدة ايصلي

وشظايا .. ومنجل .. ونخلة
اومدن ميته رماد ابعينهه اتخلي
لگيتك هم مثل روحي

عثگ عالي .. بعيد وما تلوحة الايد
للچف اليحبه الوحدة ايدلي
لگيتك هم مثل روحي وجرح مثلي

وطبع گلبك مثل گلبي
غريب وبالسفر معني
اتناسل ليل المجنون
ليل .. وخضرتله سنون
واحنه اثنينه ابهالليل
بس اثنينه انغني

تذكر
من چنت تركض وره اهلالك
ماواحد ركض وياك
اول ما ركض گدامك اخيالك
وتذكرمن گمت غنيت

شفت ابكل حرگته الماي غنالك
وتذكر .. من بنيت امن الثلج تمثال
طلعت چم شمس
ما ماع تمثالك




غانم الفياض

[أستثنـآئيـّةة❤️]