منو بحسرة عيونك لو بدت يعرف !
الدمع هوسة غجر ماندري يمته ايكف !
كلتلك لاتعاتب .. ناي المتاناة
العاجر بس تلولي عيونها اتخلف
وعزب بالصور .. مو كلها للحيطان
كطن حطها الصور كلما وجع تنزف
خلك شايفه امن ايأشر امن ابعيد
ومو بس عينك تحس روحك التلصف
وتحضر بالمشابك والهلا ..ويجزيك
وريح لملكه غيرك ثاري بيه تعصف
مثل هذا الوجع بيك الفراك يعيش
طاسه ب حب بخيل البيها من يغرف!
ومثل الفرصة..ضحكة خلك من ايغيب
تلكاها اويه غير .. البيك ما تصدف
كلتلي النهر ظرف الجلمه..ادز عيون؟
مو كل مرة دمعك ينقذ الموقف
بعد من تنكسر شتفيد المواساة
شيرجعه الصوت ال بالدرب يزلف
الحزن مثل الرصاص شما كثر ميبور
الورق يتشظه بيه من الحروب اتجف
الرمل شيقنعه فوك الصحره ماله مجان !
شيقنعه الكمر محسود من يخسف !
شمعرفه الورد يكبر .. اسير يروح
وفلح يلكه اعله ساعة بريحته اتجتف !
لمه من الرسايل .. كله دمعك ذاك
العشك حفنه ضوه اعله مرايتك يخطف
واضحك من تشوف بنادم مبجيك
ولو هو الضحك لليبتسم يعرف
وفاء الخفاجي
رد مع اقتباس
المشاركة الأصلية كتبت بواسطة فقار الكرخي
