ما ادري من تبتعد
ما ادري من تبتعد
ليش الورد يختنگ
ليش الغصن ينكسر وتمرجح بغربتي
واصبح نده ابلا ورد واتحير ابطيحتي
كل يوم انت الفجر ..لا تنسى مني تمر
تنساني ابظلمتــي..
خليك ريحة عذر
وانغطي كل الهوه
وانطير مثل الجنح
لو طرنه نصبح سوه
راويني ساعه هجر
تلگاني صفنة مشط
تلگاني دمعة ثلج
تلگاني حسرة طفل
من ينفطم ينحــرج ..
ما ادري من تبتعد
ليش المسافه تضيع
ليش الحلم ينتهي
وامشي الحلم مشوار
ليش الجمر ينطفي
وتفهه عليه الــنار
عبد الخالق المطوري
رد مع اقتباس
