هنا

[فقار الكرخي]

علي نغيمش ...



لشوكت تبقى الكلبچة ابتوت اخوي
لشوكت
انه اموت ويبتلي بفاتحتي ابوي

لشوكت تخرط بخدينهه امي
لشوكت هاااااااكبره همي
لشوكت فدوات دمي

لشوكت نبقى عبيد
انه اريداً ثوره
تحچي صاحبنه الشهيد
انگله دمك ذاك مارايح هدر
انگله مرتاح الستر
يم السدر

انگله مرتاح الخضار
ومايمر بينه الصفار
انه اريد اتغزل بخير الوطن مو بنفجار
انه اريد اكتبلي عن منجز
بكل عز وافتخار

ماريد اكتب الأخ وي القصيدة
والله احب العيد من تضحك عبيدة

حيل احب الأخ بس للخوه كون
ماحب احب الحزن من تبچي العيون

انه اريداً حزني بس اعلى الحسين
كون بس اعلى الحسين
مااريداً حزن يومية ونين
كون بس اعلى الجفونه بقدرة الله
كون ياربي اصلي القربتك مو للمصله

انه اريد الحب شعار
وكل محب يختار ربه
مااريد الناس تتحكم بگلبه
اتمنى اشوف الردته لو يوم وموت

اتمنى اصيراً صوت للماعندة صوت

[أستثنـآئيـّةة❤️]