متعوبين سكته… وتذبح السكته
ياهو…
ال باگنه من…الله….!!!!
وياهو
ال نزلانه بزحمة المعراج
لو باقين
غااااد معلگين…..احسن
لو
باقين صم تراب
مامنفوخ بينه
من…الوجع
و…. . الخوف
و…. الحرمان
ياهو
ال عودانه اعله السواد….
وگادنا ب هالليل
مايخلص
يرب الليل
مايخلص…
سواد هدومنه ال خشنات
لو باقين
غااااااد بلا هدوم……. احسن…!!!
اذا
ميتين…گلنا
واذا عدلين
كل هذا السدر
وال… ياس
وال…. كافور
كل….. ماي الورد
وگبورنه
اليمشن…
ورانه الوين ماماشين
كل هذا ي رب………المن…!!!
كل
هذا ي رب لاوين
وال ياصوب……وال يمته
گضينا
من الحزن
هلبت…
گضينا
من ال تعب
بلكت…
مغتاضه ال سما
ولن
صوت….
متعوبين سكته… وتذبح السكته…!!!
ياثگل
ال تعب سكته
يا وسفة
هذااااك ال ينذبح…. سكته
ي رب
مامش
صدر يجرعنا من نشكي
يرب
مامش چفوف
ال تمسح اعله الروس
لا
ذرعان من نبچي
ي رب مستاهدين….…انته…!!!
ياهو
الي خذانه
وگادنه….ب هالليل
ياهو
ال طشرانه
بديرة ال وهواس
يدرينه
ورگ صفصاف
ياهو
الطش ورگنا
ال يابس اعله……سهيل
ياهو
ال باگنه من…الله
محمد لفته العماري
رد مع اقتباس
