كل حقدكم ذاك واضح
گلوبكم ذيج الغريبه
الضاعت بهوسة ملامح
مدري شنهي يعثر الماي بوجهكم؟؟
كل حقدكم ذاك واضح
مدري شنهي يعثر الجلمات
لو شفه حجتهة بغيض طافح
وحته اديكم
بردت بواجب هله
وفاهي بيدينة السلام
وموش مالح
شتنة منك
وانتوا ضيعتوا بكايا الطيب من وجه التعب
مالزمكم عيب خاطر
مايهمكم من تغطون الغلط باكبر ذنب
هي حت النار تفشل
لو حظنهة تراب من يم گاعنة
انتوا اصلا مافشلتوا
هي حت الروح تعتب،،،
من تحملوهة ذنب كلش غشيم
ماعتبنة،،،وماتعبتوا
وماندهنة المايجيب طيوفكم
ماتهنة بي
عيب نتصيد خطاياكم
وگلنة الطيب اهون
وجدان النقيب
رد مع اقتباس
