.
ليل والصفنه جسر..!
من باب بيتي لباب بيتك
حظك بليلي اليجيبك
كون ما مش ليل چا كلّش نسيتك..!؟
لـــ عبدالكريم القصاب
.
ليل والصفنه جسر..!
من باب بيتي لباب بيتك
حظك بليلي اليجيبك
كون ما مش ليل چا كلّش نسيتك..!؟
لـــ عبدالكريم القصاب
مايحس بفراگك العنده بديل
لا تهم العايفك هسه بحضن
الدله عدهه هواي ماتوگف عليك
الغيم ينطي بلا ثمن خلك فطن
غيرتك ومناشغك ضمه لعزيز
الشوك مرتاح التعب بس للگطن
صدگني من ما ابچي مو ما مشتاگ
لكن غيابك لسه ما استوعبته
ليهسه أنسى وارد اجي واحچي وياك
ويلچمني گلبي البي جروحك عفته
من اهد ما صار عدّك راي عني تروح
وانه ليومك بلا راي
ماوصّيك
خاف تصيرلك قسمة و تبدّلني بوجه ثاني
تره مو كل وجه بيه ماي
يهلوادم خطية احنة ورد مگطوف
من گد السواد البلوطن موجود
گام الفقر بينة يطوف
وجبنه العمر بلدفعات
ولا جنه وطن مشحوف
وكلنه عيون
والباك بنظرنه يبان
ومن سئلونه ياهو الباك
كفينه النظر كنالهم منشوف
كاغد كلبي ضل وانتة تعرف الزين
من تنوخذ حاجة الكاغد الينذب
شليل كليبي وببعدك ترسته جروح
جرح يتبع جرح حد ما وصلت اللب
كل ذكرة الك وركة ب مهب الريح
يطشهن فوك ذاكرتي الهوة من يهب
اروح لوين
وانته الكاع لبست ردن من ثوبك
وانتة الكون كله يضيع ب دروبك
انة مطشر حنين وشوك
مو صعبه عليك تضمني ب جيوبك
وانتة شبيك يمعود
اذا حنيت بلبسكوت
ماتنحسب غيبه وتكثر ذنوبك
مر بيه ولفي اتوسلك
والحجي بيني وبينك
اقبل تجي وجايب جرح
واتناوشه من ايدينــك
اقسم برجفة شفتّي
بالـ ها تجي! و ها وينك ؟
عگبك ترس عيني الدمع
يالغيري تارس عينك
غصة ب كلبي ضلت من حجيكم
يما تدرون ملجوم من اديكم
هيه المشكله مو بلتصاوير
الاغاني الكايمه تذكرني بيكم
واجيت ومو ب وكتك جيتك شتضيف
كتلي انطيني شاهد
هاك شاهدهن
هيبتها الجرايد ب اول المصباح
ويصفن للمسح لو فات موعدهن