نعم شمیت بعدک بس اشم دخان
ولمباوس ابشرنک غده ابلا حد
الجگارا البلحلم چانت تمر بشفاي
جعدت عله اشفافي ونتچت عل خد
مدمن فرح گلبي اومایعرف احزان
لیش الیوم بلبل روحي ون غرد
اوعیني الماتضوگ السهر چانت یوم
اعله جفنی السهر حط اوسادته ومتد
مد ایدک گبل لا یمد ملک الموت
ایده اویجر روحي اوللسمه نصعد
تعال الگمر یحچیلک عشگ مجنون
ازغیر بلعمر بس شیبه ماینعد
کاشخلک ابدمعه انتضر بلکي اتعود
وبگاع الضهر جرحک جرح ورد
جرحک ولدمع صارن علیه اثگال
بیک امنحچي احس کل الالم یشتد
من اتذکرک بلگلب خفگه اتصیر
وحس الوکت هم اعله الضهر گرگد
المیت ولمفارگ طبگ مختنگین
الوکت بثنینهم ثوب العمر سرد
یعجبني الگبر یلبس جمیع انسان
مایعرف غني لو ابیض او اسود
ل منتظر طارق
رد مع اقتباس
المشاركة الأصلية كتبت بواسطة انثى مخمليةة
